අපේ‍්‍රල් මස 20න් පසු සති දෙකක් යන තෙක් පොදු ප‍්‍රවාහන සේවා අත්‍යවශ්‍ය සේවා සඳහා පමණක් ක‍්‍රියාත්මක කිරීමට පියවර ගන්නා ලෙස අමාත්‍ය මහින්ද අමරවීර මහතා නිලධාරීන්ට උපදෙස් දී ඇත.

 

කොවිඞ් 19 වසංගතය නිසා දැනට ක‍්‍රියාත්මක නොවන රාජ්‍ය ආයතන හා පුද්ගලික ආයතන නැවතත් අපේ‍්‍රල් මස 20න් පසු ක‍්‍රියාත්මක කිරීමට රජය තීරණය කළහොත් ඊට සරිලන පරිදි පොදු ප‍්‍රවාහන සේවාවන් පවත්වාගෙන යා යුත්තේ කෙසේ ද? යන්න සම්බන්ධව ඊයේ දින (17) විශේෂ සාකච්ඡුාවක් ප‍්‍රවාහන කළමනාකරණ අමාත්‍යාංශයේ දී පැවැත්විණි.

 

විෂය භාර අමාත්‍ය මහින්ද අමරවීර මහතාගේ ප‍්‍රධානත්වයෙන් පැවැති එම සාකච්ඡුාවට දුම්රිය දෙපාර්තමේන්තුව, ලංකා ගමනාගමන මණ්ඩලය, ජාතික ගමනාගමන කොමිසම හා මෝටර් රථ ලියාපදිංචි කිරීමේ දෙපාර්තමේන්තුව ඇතුලූ‍ ආයතනවල නිලධාරින් සහභාගි වූහ.

 

ඒ් අනුව මෙම මස 20 දායින් පසුව නැවතත් රාජ්‍ය හා පුද්ගලික අංශයේ කටයුතු ආරම්භ කිරීමට රජය තීරණය කළහොත් පොදු ප‍්‍රවාහන සේවාවල දී මහජන ආරක්ෂාව උදෙසා පහත සඳහන් තීරණ ගනු ලැබීය.

 

සෞඛ්‍ය හා ආරක්ෂක අංශ විසින් ලබා දෙන උපදෙස් තදින්ම ක‍්‍රියාත්මක කිරීම සෑම දුම්රිය ස්ථානයක දීම දුම්රිය මගීන්ගේ ශාරීරික උෂ්ණත්වය මැනීම හා කිසියම් පුද්ගලයෙක් උණ, කැස්ස හා ප‍්‍රතිශ්‍යාව සහිත නම් වහාම එම පුද්ගලයා සම්බන්ධව සෞඛ්‍ය අංශ උපදෙස් පරිදි කටයුතු කිරීම.

 

මගී ප‍්‍රවාහන සේවා කටයුතු අත්‍යවශ්‍ය සේවා සඳහා පමණක් ලබා දීම.

 

දුම්රිය ආඥා පනත තදින්ම ක‍්‍රියාත්මක කිරීම. ඒ අනුව දුම්රිය මැඳිරි තුළ හෝ දුම්රිය මාර්ගයට කෙළ ගැසීම, දුම්රිය ස්ථානවල හෝ මැඳිරිවල වෙළඳාම් කිරීම හා සි`ගමන් යැදීම සම්පූර්ණයෙන්ම තහනම් වන අතර එවැනි පුද්ගලයින්ට එරෙහිව තදින්ම නීතිය ක‍්‍රියාත්මක කිරීම.

 

සෞඛ්‍ය හා ආරක්ෂක අංශවල උපදෙස් පරිදි දුම්රිය හා බස්රථවල ගමන් ගන්නා මගීන් මුඛ ආවරණ පැලඳීම අනිවාර්ය කිරීම, මීටරයක් දුරින් පරතරයක් තබාගෙන ගමන් කිරීම වැනි සෞඛ්‍ය නිර්දේශ අනිවාර්යයෙන්ම ක‍්‍රියාත්මක කිරීම.

 

සෑම දුම්රිය ස්ථාන, මැඳිරි මෙන්ම බස් රථ අඩු තරමින් දින දෙකකට වරක්වත් විෂබීජානුහරණය කිරීම හා ඊට අවශ්‍ය විෂබීජ නාශක ද්‍රව්‍ය ඛනිජතෙල් සංස්ථාව මගින් ලබා දීම.

 

අත්‍යවශ්‍ය සේවාවන්ට අයත් නොවන කිසිදු අයෙක් දුම්රිය හෝ බස් රථවලට ඇතුළත් කර නොගැනීම.

 

ඇතැම් පුද්ගලයින් නෑගමන් යාම වැනි දෑවලට පෙළඹිය හැකි බැවින් එවැනි අය සඳහා ප‍්‍රවාහන පහසුකම් නොසැපයීම.

 

ලබන සඳුදා 20 දින මේ සම්බන්ධයෙන් පත් කරන ලද කමිටුව විසින් සකස් කරනු ලබන වැඩ පිළිවෙළ අමාත්‍යවරයා සමග ලබන බදාදා 22 දින සාකච්ඡුා කිරීමෙන් අනතුරුව රජයට එම වැඩ පිලිවෙළ දැනුම් දීමට නියමිතය.

 

එමෙන්ම සති දෙකක් යන තෙක් පොදු ප‍්‍රවාහන සේවාවන් පවත්වාගෙන යනු ලබන්නේ ලාභ ඉපයීමේ පරමාර්ථයෙන් නොව මහජන සේවාවන් පවත්වාගෙන යාම හා අත්‍යවශ්‍ය සේවාවන් ක‍්‍රියාත්මක කිරීම සඳහා පමණක් බවත් අමාත්‍යවරයා මෙහිදී අවධාරණය කළේය.

 

ඒ් අනුව රජය විසින් ලබා දෙන උපදෙස් පරිදි මගීන්ට කිසිදු හිරිහැරයකින් තොරව ගමන් කළ හැකි පරිදි මෙන්ම කොවිඞ් 19 වසංගතය වළක්වා ගැනීම සඳහා රජය විසින් ගෙන යන ක‍්‍රියාමාර්ගවලට සහාය ලබා දෙමින් පොදු ප‍්‍රවාහන සේවය ක‍්‍රියාත්මක කිරීමට වග බලා ගන්නා ලෙස ද අමාත්‍යවරයා නිලධාරින්ට උපදෙස් දුන්නේය.

LEAVE A REPLY

Please enter your comment!
Please enter your name here